عجينه السابليه
563 جرام دقيق
375 جرام زبده
188 جرام سكر بودره
1 بيضه ونصف
الكريم تشيز
فانيليا
ذره ملح
150 جرام كريم شانتيه خام بودره
250 جرام جبنه كريمي
100 جرام سكر
300 جرام ماء
هنحضر السابليه اول حاجه
هنضرب الزبده لحد ما تنعم كويس جدا وبعين ننزل بالسكر البودره لحد ما يبقوا شبه الكريمه
وبعدين انزل البيض والفانيليا واضرب وبعدين انزل الدقيق المنخول والم العجينه مش بنعجنها
اسيبها تسقع ف الثلاجه وبعدين تطلع افردها بين ورقتين زبده سمك ا سم واقطعها بالسكينه
اطبع الحرف او الشكل اللي انا عايزاها علي المقاس اللي انا حاباه من اى مكتبه
اقص الشكل من الورقه علي الحرف بالضبط واحطها فوق العجينه واقطع بالسكينه
تدخل الفرن علي درجه حراره 190 درجه لمده 20 دقيقه
تطلع اسيبها تبرد خالص خالص
ابداء احضر الكريمه
بضرب الكريم شانتيه مع المياه والسكر وبعدين انزل عليهم الجبنه واخلطهم كويس
احط طبقه البسكويت علي قاعده التورته او علي طبق التقديم
احط الكريمه ف كيس الحلوانى بدون قمع او باى قمع تحبوه
ابداء اعمل روزتات علي الشكل كله جنب بعض وبنفس الارتفاع
ممكن احشي باي حاجه بحبها زي ما تحبوه
احط طبقه البسكوت التني وبكرر نفس اللي عملته
تتزين ب ماكرون او ورد عجينه سكر او شوكولاتات او مارينج
الكيك ده لازم يبات في الثلاجه علشان يبقي تقطيعه سهل
تعليقات
إرسال تعليق